Дүниежүзілік соғыстар аралығындағы Қытай, Үндістан және Жапония

Дүниежүзі тарихы · Екі дүниежүзілік соғыс арасындағы әлем

Қытай: Синьхай революциясы (1911–1912 жж.*) Цин әулетін құлатты; уақытша президент болып Гоминьдан партиясы мен «үш халықтық қағиданың» (ұлтшылдық, халық билігі, халықтың әл-ауқаты) негізін қалаушы Сунь Ятсен сайланды. Бірінші дүниежүзілік соғыс жылдарында Жапония Қытайға «21 талап» қойды (1915 ж.*), ал Париж конференциясы Шаньдундағы герман иеліктерін Жапонияға берді — бұл 1919 жылғы «4 мамыр қозғалысын»* және Жаңа мәдениет үшін қозғалысты тудырды. Гоминьдан мен Қытай Коммунистік партиясы (ҚКП, 1921 ж.*) бірыңғай майдан құрып, 1925–1927 жылдардағы Ұлттық революцияны* жүргізді, бірақ 1927 жылы* Чан Кайши одақты бұзып, Нанкин үкіметін құрды; азамат соғысы басталды.

Үндістан: Махатма Ганди тәуелсіздік үшін күресті зорлықсыздық әдісімен (сатьяграха) басқарды — ағылшын тауарларына бойкот, ынтымақтастықтан бас тарту, «тұз жорығы» (1930 ж.*). Партиясы — Үнді ұлттық конгресі.

Жапония Бірінші дүниежүзілік соғыстан кейін Азиядағы позициясын нығайтты. Экономикалық дағдарыс оны мәселелерді шешу тәсілі ретінде басқыншылыққа итермеледі. «Танака меморандумы» (1927 ж.*) — Қытай мен Азияны жаулап алу жоспары. 1931 жылы* Жапония Маньчжурияны басып алды, 1937 жылы — орталық Қытайға басып кірді. Ол Германиямен «Антикоминтерн пактісіне» (1936 ж.*) және Германия, Италиямен «Үштік пактіге» (1940 ж.*) қол қойып, кейін Оңтүстік-Шығыс Азия елдеріне шабуыл жасады.

Ең бастысы

Тесттегі тұзақ

Сунь Ятсен — Гоминьданның негізін қалаушы, ал Чан Кайши 1927 жылы коммунистермен қатынасты үзді. Гандидің әдісі — қарулы көтеріліс емес, ЗОРЛЫҚСЫЗДЫҚ.

Өзіңді тексер

1. бір дұрыс жауап

Италияда фашистік режим орнатқан

  1. A. Бенито Муссолини
  2. B. Адольф Гитлер
  3. C. Франсиско Франко
  4. D. Мұстафа Кемал
Жауап пен талдауды көрсету

Дұрыс жауап: A

Талдау: Муссолини «Римге жорықтан» (1922) кейін билікке келді. Гитлер — Германия (1933), Франко — Испания (1939).

2. бір дұрыс жауап

Германияда фашистік (нацистік) диктатура орнаған жыл

  1. A. 1933
  2. B. 1923
  3. C. 1929
  4. D. 1939
Жауап пен талдауды көрсету

Дұрыс жауап: A

Талдау: ҰТО «100 дата»: 1933 ж. — 30 қаңтарда Гитлер рейхсканцлер болды, кейін партияларға тыйым салынып, Веймар республикасы жойылды.

3. бір дұрыс жауап

1936–1939 жылдардағы Испаниядағы Азамат соғысының нәтижесі

  1. A. генерал Франко диктатурасының орнауы
  2. B. Халық майданының жеңісі
  3. C. абсолюттік монархияның қалпына келуі
  4. D. Испанияның Францияға қосылуы
Жауап пен талдауды көрсету

Дұрыс жауап: A

Талдау: Франко бүлікшілерін Германия мен Италия, республикашыларды КСРО мен интернационалдық бригадалар қолдады. Франко диктатурасы 1975 жылға дейін созылды.

Конспектіні тренажерде ашу →Тегін, тіркелусіз